Novo sistema de reserva de prazas na sala de investigadores
O Arquivo Histórico Diocesano de Santiago de Compostela poñerá en funcionamento, a partir do vindeiro 15 de maio, un novo sistema de reserva previa de prazas para o acceso á sala de investigadores.
A sala dispón dun total de 10 postos, dos cales 5 poderán reservarse previamente a través desta páxina web, manténdose os 5 restantes de acceso libre ata completar o aforo.
Este sistema ten como finalidade mellorar a organización do servizo, evitar esperas innecesarias e facilitar a planificación das consultas por parte dos usuarios, mantendo ao mesmo tempo a flexibilidade de acceso directo.
Para poder realizar unha reserva será necesario dispor dunha conta de usuario na web e iniciar sesión previamente.
Recoméndase a todos os usuarios consultar a normativa que regula o funcionamento do sistema, onde se detallan as condicións de uso, límites de reserva e demais aspectos relevantes,
O Arquivo agradece a colaboración dos usuarios no correcto uso deste sistema, que contribuirá a unha mellor prestación do servizo.
