Cáritas Diocesana de Santiago sumouse á campaña de emerxencia promovida por Cáritas Española para prestar axuda ás persoas afectadas polos recentes terremotos rexistrados en Venezuela.
A través da rede internacional de Cáritas estase a coordinar a resposta humanitaria para atender as necesidades máis urxentes da poboación, colaborando coas Cáritas diocesanas venezolanas na avaliación dos danos e na distribución da axuda.
As persoas que desexen colaborar con esta campaña de emerxencia poden realizar a súa doazón a través da páxina web de Cáritas Diocesana de Santiago, indicando como destino «Terremoto Venezuela».
Máis información e doazóns: https://caritasdiocesanasantiago.org/donacion/
Desde o Arquivo Histórico Diocesano de Santiago sumámonos a este chamamento á solidariedade e animamos a todas as persoas que poidan facelo a colaborar con esta iniciativa, contribuíndo a aliviar a situación das persoas afectadas por esta grave catástrofe.
