Informamos aos nosos usuarios de que o próximo xoves 18 de xuño o Arquivo Histórico Diocesano de Santiago de Compostela permanecerá pechado ao público ata as 11:00 horas.
Este peche temporal débese á celebración da Misa de Aniversario por Mons. Salvador Domato Búa, anterior Director deste Arquivo, que terá lugar ás 09:30 horas na Santa Igrexa Catedral Basílica de Santiago de Compostela.
Mons. Salvador Domato Búa configurou e desenvolveu esta institución, dedicando o seu esforzo e compromiso á conservación e difusión do patrimonio documental da Diocese de Santiago. Con motivo deste aniversario, o persoal do Arquivo desexa sumarse ao seu recordo con gratitude e afecto, honrando a memoria de quen foi o noso director, compañeiro e mestre. O seu legado permanece nesta institución e en quen tivemos a oportunidade de traballar ao seu carón.
A atención ao público e a consulta en sala retomaranse con normalidade a partir das 11:00 horas.
Agradecemos a súa comprensión e pregamos desculpen as molestias que esta modificación puntual do horario puidese ocasionar.
